पानटपरी चालकाने सिगारेट उधार न दिल्याने टपरी चालकासह कुटुंबाला कोयत्याने मारहाण ; बारामती तालुक्यातील सांगवी गावातील धक्कादायक घटना..

पानटपरी चालकाने सिगारेट उधार न दिल्याने टपरी चालकासह कुटुंबाला कोयत्याने मारहाण ; बारामती तालुक्यातील सांगवी गावातील धक्कादायक घटना..

कोयत्याने केलेल्या जीवघेण्या हल्ल्यात चार जण गंभीर जखमी..

बारामती : पानटपरी चालकाने सिगारेट उधार न दिल्याने पानटपरी चालकाला लाथाबुक्क्यांनी मारहाण करून या भांडणाचा जाब विचारणाऱ्या पिता पुत्रांवर कोयत्याने हल्ला झाल्याची धक्कादायक घटना बारामती तालुक्यातील सांगवी गावात ता. १९ रोजी दुपारी साडेबारा वाजता घडली. या घटनेत चौघे जण गंभीर जखमी झाले यात एक वयोवृद्ध महिला देखील आहे. प्रतिक सुनील जगताप यांच्या फिर्यादी नुसार अभिषेक महादेव जगताप, महादेव विश्वनाथ जगताप, गिता महादेव जगताप, काजल महादेव जगताप (सर्व रा. सांगवी ता. बारामती) असे गुन्हा दाखल करण्यात आलेल्या आरोपींचे नांवे आहेत. 

फिर्यादी प्रतीक जगताप यांची सांगवी गावात पानटपरी असुन आरोपी अभिषेक जगताप हा पान टपरीवर आला आणि उदार सिगारेट मागितली मात्र प्रत्येक यांनी उधार सिगारेट दिली नाही म्हणून आरोपी अभिषेक जगताप याने शिवीगाळ करत लाथा बुक्क्यांनी मारहाण केली. हि माहिती फिर्यादीचा लहान भाऊ सार्थक जगताप यास माहित झाल्याने तो व फिर्यादी हे आरोपीच्या घरी त्याचे वडील महादेव जगताप यास सांगण्यासाठी गेले असता त्यांचे काही एक ऐकुन न घेता महादेव जगताप, त्याची पत्नी गिता जगताप व मुलगी काजल जगताप या तिघांनी शिविगाळ व दमदाटी करुन लाथाबुक्क्यांनी मारहाण केली. या भांडणाचा आवाज ऐकून फिर्यादीचे वडील सुनील जगताप हे भांडण सोडवण्यासाठी गेले होते. यावेळी अभिषेक जगताप याने घरातील कोयता घेऊन सुनील जगताप यांच्या डोक्यात पाठीमागून वार केला. यावेळी आपल्या वडिलांना वाचवताना सार्थक मधे गेल्यावर त्याचेवरही आरोपीने कोयत्याने डोक्यावर वार केला. तसेच दुसरा वार करत असताना बचाव करताना करंगळीला जखम झाली आहे. याचवेळी फिर्यादीची आजी उषा जगताप या घटनास्थळी आल्या असता त्यांना गिता जगताप व काजल जगताप यांनी ढकलून दिल्याने त्यांच्या हाताला लागुन त्या जखमी झाल्या आहेत. या भांडणात कोयत्याने डोक्यावर वार झाल्याने जखमी सुनील जगताप, सार्थक जगताप, व फिर्यादीला सांगवी येथे प्राथमिक आरोग्य केंद्रात प्राथमिक उपचार करुन पुढिल उपचारासाठी बारामती येथील शासकीय रुग्णालयात दाखल करण्यात आले. या संपूर्ण घटनेचा तपास सहायक फौजदार संजय मोहिते करत आहेत.